Ek pal is zindagi ka yuhi beet gaya
Us pal mein jaise mera aks tham gaya
Kuch to alag huya,
Dard huya
Tees uthi
Par ghav nahin mila
Kadam na ruke
Rukte bhi kaise
Manzil jo paani thi
Aur main chalta gaya
Kyu mera jism mujhse bairi ho gaya
Mere chit mein ye kaisi thi hulchal
Dheere dheere saare rang beejan kyu lag rahe the
Hriday main aisi kampan maine pehle messos na ki
Ek pal zindagi ka yuhi beet gaya
Us pal mein jaise mera aks tham gaya
Tere aane ki pyaas
Tujhse milne kaa ehssas
Khaamosh lamhon mein khaati meethi si awaaz
Rooh ko sahlaane waala sparsh
Ye sab kal ki hi to baat thi
To aaj mein farq phir kya hua
Ek pal zindagi ka yuhi beet gaya
Us pal mein jaise mera aks tham gaya
Bahakte jazbaaton ne majboor kar diya
Teri ore dekha to tune door kar diya
Ruk jaane ka mann bahut tha
Magar rukna meri fitrat mein na tha
Aarzoo liye main swaarthi ban gaya
Dil ke har kone ko khali karta gaya
Is raah main khud se juda ho gaya
Ek pal zindagi ka yuhi beet gaya
Us pal mein jaise mera aks tham gaya
Adhure se khwaabon ko dafn kiya
Naye sapne sajaaye
Teri har yaad ko kharonch kar nikala
Thore se chain ke liye
Ta umar bechain ho gaya
Kuch keh hi deti tum
Ya kuch main hi sun leta
Ek pal aur us pal mein jod deta
Hasi aati hai, gussa bhi,
Sala, ek pal zindagi ka yuhi beet gaya
Us pal mein jaise mera aks tham gaya
